اذا بغيت تعرف أسرارهم إسأل صغآرهم ..~!

سلاااموون من الله عليـكـم ورحمـتـه وبركــآتـــه ..~

يا هـلا وغـلا باللي لفــلا ,, نوركــم زاد الموضوع ورد وحــلا
<< من تأليفي وقسمن << من زينه عاد !

شسمه الحين كيف نظام اللي اول مره ينزلون مواضيع عندكم .؟
يعني نستحي ولا كيف !
اقوول من الحيين انا عضوتكم ومن زمااان عنكم صح .؟ < قولوا ايه !
واشتقتوا لموآضيعي صح صح صح .؟

وترآني قاريتن الدستور وحافظته قسمن عظمن
تراه اول موضوع انزله

المهم ياكثرمقدماتكم عاد انتم .. منيب مسويه زيكم .. كيفي مخي موضوعي

ليسن تو مي

أنـآ طالبتون نجيبة في الجامعه ـ قسمي رياض ورعـآن ض1
(( لا يغركم المؤهـل الي تحت اليوزر تراه قطه بيني وبين ماي سستر ))
وكل ترم نروح و ننظر الى الورعان في ورعنتهم
لا صدز ,, النـظام الجديد في جامعتنـا فقـط , اننـا من مستوى ثالث ننزل ع الروضـات ونشوف طريقة المعلمات في تعليم الأطفال ..
هذا احسن و اكوس شي في القسم ولا الباقي خرطي ..

وما بقـى احـد في الدنيا ما درى اني داخـله هالقسـم من المحيـط الخـارجي !
ابـلـشوني ببزرانهم
يكب بزر بيالة الشاهي ع الزوليـة .. هماتس رياض اطفال اعرفي شلون تعاملين معـه
< يعني كبه يعني ما يبيلها تعامل وحج وطواف !
انا وهي انـا اكب احيانا !!

اخواني يتطاقون تناديني امي تعالي تفاهمي مع اخوانتس برقي ( بكسر الباء وضم الرآء وكسر القاف ) هماتس رياض اطفــال ؟
قلت ايه رياض اطفال موب رياض جحووش ! ما ناظرتني نظرات تهديد ابد
لا حظوا رقي يعني لا تنافخين عليهم لا اذبحتس

ابوي متورط بأخوي الصغير ماله خلقه .. تعالي خوذيه هماتس رياض اطفال !!

اقووول عاااد رووقوونا لا تخلوني احول الحين << لا ارجووتس

على كل هذا انهم حبايب ألبي بشوفتهم ينشرح صددري << وش عندها المعيلـه

في المشاهدات الي نزلتها في الروضات صارت لي مواقف مع ملايكه الخلق مووستحيل انسااهـا
بعضها فضايح يكب عفـش البيت كله
والثانيه مضحك , والآخر محرج وهكزآ ..~

فبقولها لكم بحكم اننا في اجازة وكذا << !!

* اول يوم دوام في الروضه جيت الصبح وفصخت عباتي < اهم شي
ودخلت المدرسه وانا مشخصه ما احد قدي اعتبر في مقام مدرسه
واناظر البزران نظرات يعننّي خاافوا مني غصب تراي شخصيه
رحت وَقعت ورقيت فوق كود القى وحده من البنات اخذها ونكمل تشخيص ع البزران
دخلت اول فصـل وما امداني ادخــل الا بزر طول اصبعي تقوول : نننننععععععم ؟ خيييير وش تبيييين
انـا عيوني كــذااا < التشخيص رااح
قلت بسرعه البرق عييب يا شاطره تكلمين مدرستـك كذااا
قالت اقوووول اطلعي بس !! << شسالفه
انا عييوني وصلت عندها الظاهر من قو ما هي طالعه
وبعدييين معك تبيني ازعل علييك وما أكلمك < ياي
على بالي مثل البزران الي قبل بتستحي وتسكت
قالت بكل وقااحـه ايه احححسن !!
يقلع بليسها على نتفاتها الا ان لسان يلوط اذانهااا
انا وصصلت حدي قلت انا اورريتس يالنتفه ما بقى الا انتي تخربين
شخصيتي وتنافخين علـي وتفشليني عند البزران الي مجتمعين
اخذت كشف الاسمااء وقلت وش اسمك ؟ قالت ماالك دخل !!
قلت صح اصلا نسيت انا زعلانه عليك مفروض ما اكلمك
وسالت البزر الي جنبها وش اسمها حببيبي ؟
البزر مستحي سااكت < شكله خايف منها مسببة رعب في الفصل كله
انا سفتها سفه تاام وقعدت اسولف مع البرزان الباقين
فجأه جت هي تبيني اعطيها وجه قالت اسمي يبدا بحرف السين !
قلت لها انا زعلانه عليك لا تكلميني
واناظر كشف الاسماء وادور حرف السيـن مالقيت الا بنت وحده يبيدا اسمها بحرف السييين
ياارب ما تصير هيي ياااارب
قلت يا قلبي متأكده انه حرف سين ؟؟؟
قالت ايـه ساااره
ســاره محمــد آل ........... !!!!!!

يوم قرريته صععقت , قعدت اقرااه ملييووون مرررره , ياارب السالفه فيها غلط
قلبت عليها وقلت ياااااي يا سااره يجنن اسمك مرره حلللللو وانتي تجننيييين !!
قالت ايه وهذا اخووووي بندر !
و تجيني النفاااضه هي واخوها حضروا لحظه التشخيص الله لا يبارك في هالتشخيص
والمناافخ الي ما جاب لي الا الفضيحـه
لو تعلم اهلها كان انا مفصوله من الجامعه الحيين
المهم بعد الرووعه وهدتني صقيقتي شوي من الصدمه وقالت روحي صفي الجو معها ولا اقري على عمرك السلام انتي وهالتشخيص الي فاهمته غلط ..
واقوم انقز لها حببيتي ساره انا سامحتك بس مره ثانيه لا ترفعين صوتك خلاص لأني زي معلمتك ,, وناظرتني نظرات معناها وش تبيين انتي
قلت يا بنت الاييه والله ما اذل عمري عشاانتس
واروح لأخوها واتحبب واتغـزل فيه واقول فجأه صفقوا له !!
شكوا في عقلي هم بعدين صفقوا له
وانحااااش من الفصل وعقبها ما وطوطت على جهتهم اببببببببد وخليت التشخيص لأهلـه

~~~~

* فصلي كان ولله الحمد بزرانه طعيميين قـدن ومؤدبييين ويسمعون كلامي < اهم شي
المهم حنا طالبات الكليه نقعد ورا في الفصل والمعلمه الرسميه حقت الفصل معهم
بتطلع المعلمه تنادي المديره تحضَر لها وقالت لنا خليكم معهم
وحاولوا تهدونهم لين اجي , قلت ابشري ,
يوم طلعت قلت يا بنت استغلي الفرصه قبل تجي هي ومديرتها وصوري البزران طلّعت
جوالي بصور الا والباب ينفـتح
ابدخل الجوال بسرعه في الشنطه الا الجوال طاااااح < يعني ادروا ياعالم تراي بصووور :s
انا اشتغلت نفااضتي قلت الحين بتدري المديره اني صورت وبتلعننني واناظر الباب ابي احد يدخل
الا يطلع بززر توه جاي من الحمـام !
يوم دخل البزر انا لا شعوي من الرووعــه قلت يالدووووب !!!!
والولد دب صدق اسمن واحد في الفصل < المشكله مو هنــاا
بزر من الي جالسين حسبي الله على عدووه قاال كاااكاااكااااك المعلمه تقول لك يالدوووب !
البزران كلهم ضحكوا انا طاارت بوهتي قلت لا والله موب قصدي << على نياااتي على بالي يمشي معه هالحتسي وطبعا قصدي يالدوب يعني زي يالتسلب شي متل هيك
و اناظر الولد عبرته خلاص بتنزل قعدت ادعي على عمري انا وهالكلمه الي ودتني في دااهيه معــه
قحصت له ورجعت لتشخيصتي < ياليل هالتشخيص
وانا ودي افعص ذا الي قال المعلمه سبتك
وقلت لااااا دحوومي احسن وااحد راح الحمام ماشاء الله عليه وجـااا !! <<< وش دخل اووم الحمام لا تسألوني ! بصفي الجو يقال
ماشاء الله عليك يا دحووم مؤدب انت وجسمك مرره حلو اكيد انك تاكل زين وتسمع كلام ماما
اذا قالت لك كل عشان تقوي عضامك وجسمك ماشاء الله ليت كل الأطفال الحلوين زيك وزي جسمـك الـبـطــل ! < من جنبها
دحومي طبعا صدق عمره وجاز له الحتسي ورجع للوضع الطبيعي ,
انا كعادة ترقيعاتي : صفقــوا كلللـكـم لدحووومي الشاااطر
يصفقون له على دخـلة المدرسه وتنظارني ودها تذبحني ولسان حالها يقوول وين كلامي قلت لك هديهـم ما قلـت رجيهـم

~~~~~

جا يوم عرض القصه حقتي الي سهرانه عليها وفي ترتيبها وتجميع الحيوانات والمواد المطلوبه
وكم مره اعيدها على اخواني واخواتي وامي صموها اكثر مني الظاهر ..
دخلت الفصل وجلست مع الأطفال في الحلقه ( المشرفه لازم تحضر لي عشان تشوف طريقة القائي وتشوف الأطفال حضراتهم كان اعجبتهم ولا لا )
المهم انا سميت بالله وذكرت كلام امي لبى عمرها قالت لا ترتبكين من المشرفه وخلي الوضع عااادي
ولا كأنها موجوده وتراهم بزران الي تقصين عليهم يعني مو كبااار!
سويت الي قالته وعطيت المشرفه اشكل يعننّي قويه وما اهتميت فيييك ! << هذآ برضو من ضمن التشخيصات ترآ
المهم من شروط القصه لازم تكون بالعربي المبسط عشان يفمهون البزران , بديت كعادةالقصص
كان يا ما كان في قديم الزمان كان هناك فيـل شجاااع يحرس الغابه ,, وطبعا معي لعبة فيل
ولعبة غابه صغيره جايبتها المهم مشيت بالعربي صح وانا في داخي نفسي اقول والله اني كشخـه انتصفت في القصه وانا الى الآن تمـااام ,
فيه من ضمن القصه دب ونمـر وبطـه قلت وانا ماسكه الدب في
يد والبطه في يد ثانيه : وبينما كان الدب اللطيف يلعب مع صديقتـه البطه الا ويهـجـم عليـهـم النمر المتوحش قالت البطـه : يا الهــي انه النمر سوف يـأكلنـااا ساعدني ارجووك !!
لم يصغي اليها الدب الأناني فهج عنهــاااا وانحاش خوفا منــه !!
انا حسيت ان فيه شي غلط وراي تحمست كلمـة هج و انحااش وش تببي
ما ضنتي انها عربيــه ؟؟
ونحشة الدب الله يرجـه كانت غبيه تقل سياره افحـط بهـاااا
وارفع عيوني يارب ان المشرفه ما انبتهت الاها منزله راسها وتضضحححك انا فحت :$
قلت يا بنت ما عليك منها وكملــي , ابووها فصحـــى
خلصت القصه اخيرا طاح همها بقى هم اني أسال الساده اللأطفال اعجبتهم ولا لا
انا وكلي ثقه , ها يا اطفال اعجبتــكـم القصـــه ..؟
لبى قلبوهم كللهم قاالوا ايه اعجبتنا والي قال تجننن والي يمدح و انا حبيت النمر يا معلمه وكل قام يقوم رايه ,الا وحده صرخت صرخه انا ما اعجبتي وعه القصه !!
بلمت انا ! قلت وش تبي ذي عمرها ما اعجبتـها بس اسكتي تـكفـين لين تطـلع المشرفـه
انا لقـطت وجهي ورقعتها قلت ايه انتي ما اعجبتك القصه عشان الدب ما انقذ صديقته البطه صــح قالت لا ما اعجبتني انا شووي واصيييييح
سكت وطنشتها اروح للي يمدحوون واقولهم وش احلى شي اعجبكم ومن هالكـلام ..
يوم خلصت كان ودي اقوم اذبح ذا الي ما اعجبتها بس بحكم طيبتي خليت الوضع طبيعي << ايه طييب
واشوا اهم شي ان المشرفه ما نقصتي وعطتني كـامــل ,

~~~~~

* آخر يوووم لنا في المدرسه خلتنا المعلمه انا وصقيقتي والأطفال لحالنا وقالت خوذوا راحتكم معهم ,
قلت خلاص يكفي تشخيص عليهم آخر يوم لازم اقعد مـع كل واحد واطيح الميااانه ..
قعدت اسولف معهـم وكعادة البزران ان مسكوا خط ما عاد سكتوا ..
نايف قاعد يسولف لي عن اخوه الكبير حمد وانه عسكري و شجااع وينقذنا اذا كان
بيجينا حرامي < مستانس انه عسكري ! الظاهر يحسب كل عسكري اقوى واحد في الدنيااا شكله هـاك علـيـه اخوووه
انا قلت ايه ماشاء الله اخوك قووي !
حامت تسبدي بغير السالفه قلت حبيبي ما قلت لي وش لون غرفتك ؟ قال بيضـا !
قلت اها وحـمـد ينام معـك ؟قال لا ماما هي الي تنـام معي !!
قلت شلون ؟!! ليــه مااما ما تنـام مـع بابـــا !!!
ناظرني نظرات حقـد , واقول في نفسي خير وش جااه ما قلت شي غلط اخبر الباابات ينامون مع المامات !!
قال بابا ينام في غرفه لحاااله يا معلمه شلون ماما تنام مع بابا وهي حرمه وهو رجاااال!!!
يا لبــى الـبراااائـه يا خلــــق ..
مدري هي برااءه مدري هي دلااااخـه ما ادري وشي بالضبــط
و اضحك ضحك في بطني , واقوله حبيبي ماما و باابا غير ,, عاادي ينامون في نفس الغرفه ,
قال شلوون ؟؟ قلت الا يللللي بشرح لــك ذي عااد اسمح لي
واسأله سؤال ثاني بصرفه و اغير الجو قلت عندك سوني قال ايه , ويخطم فجأه
معلمه ليه انتي تحطين رووج ؟ قلت ليه موب حلو روجي !
قال الا بس الروج ما يحطوونه الا في الزواجااات ماما ما تحطه الا ذا راحت لعرس خالي !!
< شكله من يوم ما انولـد ما سمع بالعرس الا بزواج خالـه
وافقع ضحك واقووول في نفسي اييييييييه بعذر ابووك ما ينام مع امك اثرها حارمته من الزيين الله لا يلووومه والله
ناظرني وضحك معي لبى كله على باله فهم الساالفــه اشتقت لـه الخااايس

~~~~

وانتهت الـخنبقه ع خير

ما يستفااداتي :
1 تـرى سبحان الله اذا قيمتوني استانس وانبسـط لا شعووري
2 خلّو التشخيص على جنب خاصة على عيال آل الشسمه << لم يذكر نظرا للحفاظ على النفس هع
3 موب لازم كلن يدري بقسمكم عشان محد ينشب لكم !
4 ما فيه اربعـه كيفي
5 خلوا المامات ينامون مع البابات لأجل لا ينتج لأطفالنا الطوع الزايد " ان الحــرمه ما تنام مع الرجال ! "

يعطييييييك العااااافيه

ههههههههههههههههههههههههههههههههههههههههههههه .. بس شـ السالفه .. >> مثل الاطرش بالززفه احسن لها لاترد هع

» كيف تعرف بأن احد الفيتامينات ناقص لديك ؟
» للمبتدئين : تعرف على فائدة عمل جيلبريك للآيفون والآيباد