The Crepe caFe ) عآلم يستحق الزيآرة ...~

The Crepe caFe


*.*.*

صبآحكم خير [:r1:]
اليوم تقريري بنكهة صبآحية غير :hrt: ..
في كوفي عجيب :hrt:
قررنا يوم الأثنين حنا وبنات خالاتي .. نغيّر جو ونروح نفطر في حدى هالكوفيهات ..
واقترحت عليهم نروح لم ( كريب كوفي - الريآض جاليري :hrt: )
هذا المكآن اللي ماخليت آدمي إلا وصجيته فيه ..

وكآنت الإنطلاقة 8 وربع الصبح من زود الحرص ..



وصلنآ تسع إلا ... تقريباً ... يوم شفنا المواقف كذا فآضية ماسطينا ندخل :fl9:
قلنا ناخذ فرّة الين مايوصلون الدفعة الثانية مننا :D
على الساعة تسع اكتملنا .. واقتحمنا السوق .. وكان عددنا سبعة ... أربعة صآحين والباقين مايدرون وين الله حاطهم مسحوبين سحب من مراقدهم ..

خلوني أصير أول وحدة توريكم سوق وهو فآضي مافيه ولا عبآيه سودا ..
كذا بالضبط ..



صدق الحريم مزينين السوق :hrt::D
الصرآحة إننا ذرّقنا إلا شوي :fl9: .. مافيه إلا أصوات الموية بس .. حتى حسنا وحنا نتساسر نسمعه :fl9: ...
بس قلنا يالله معنا ثنتين متزوجات خلاص مابدهاش .. -> المتزوجات دعم أمني مدري وش الحكمة :D
ووصلنآ الكوفي .. وكآن قبآل محل برومود بالضبط ..



عآد يوم وصلنا شفنا العالم تخترش :fl9:
وصرنا بدال سبعة ناس كثيرين مدري وين كآنو متوزين :fl9: ..
وبدينآ نطلب :hrt: ..
واللي مايدرون وين الله حاطهم .. يوم جا الصدق طلعوا أصح مننا :D

المنيو :



إلى هنا وفضت بطارية الكآم وصوّرنا بالجوآل :139: ...
وبدينا نناظر المنيو مع إننا حافظينه صَمْ بس نسّمع لبعض ..
.
.

أحسن شي إنم يدهرون قدّامنا يعني أي حركة ميب لم سنع مايقدرون :D ..


.
.
وجآنا الطلب


عصير برتقآل طازج أبرد أبرد شي في الدنيآ .. :hrt:
بـ ( 12 ريآل )
10 / 10 :hrt:

.
.


شآهي حآر :hrt: -> أجل بآرد
أطن إنه بـ ( 6 أو 12 ريآل ) :fl9:
ماشربته ..

بس أعطيه 5 / 10
( مب تلقيمه :D)

.
.

أومليت بالجبن والأعشاب
بـ ( 19 ريآل )
أعطيه 4 / 10
لأن اللي طالبته مدري وش تحس به ؟
مشوهه من النوع اللي المفروض مايتحرك الا بخبز صآمولي وجبن ..
مايجوز له أي شي وماينفع ينطلع معهم :s52:
.
.

سآندوتش دجآج بستو مع الجبن :hrt:..
لذيذ بعنف :hrt:
بـ (18 ريآل )
10 / 10
مدري وش جونا دجآج على هالصبح :fl9:
لكن مواصلين ماتفرق معنا لو نطلب مفطّح مانخالف :hrt:
.
.
سآندوتش على الطريقة الفرنسية :hrt::hrt::seko:
بـ ( 19 ريآل )
10 / 10
هذا الشي حقي اللي يوم فتحته بغى يغمى علي :seko: -> وشو له تفتحينه :ac6:




( نسيت اسمه مرة طويل وسالفة :fl9: )
فكرته .. طبقات مرة خفيفة من الخبز بينها جبن وأشياء ثانيه مدري وشي ..
مرة لذيذة :hrt:
طعمه جآمد :hrt:
10 /10
.
.

نجي للحلآ والكريب ... اللي صرآحة ماجينا إلا عشآآآآآآآنه:


كآسترد ديزيرت كريب :hrt:
( كاسترد ، توت بري ، توت أسود مع كريب )
بـ (20 ريآل )
10 /10
.
.

ميكس بيري بانكيك :hrt::hrt::hrt:
( قطع البانكيك الحآر .. فوقها ستروبري ، توت أسود ، ميكس بيري ، وع الجوانب كريمة وآيس كريم )
شي ألذ من إني أقيمه
بـ (22 ريآل )
.
.

ستروبري فيلدز وآفل :hrt::hrt::hrt:
( قطعة من الوآفل :hrt: فوقه ستروبري وسيروب ، مع الكريمة المخفوقة وأيس كريم فآنيلا )
بـ (22 ريآل )
10 / 10
.
.

ستروبري ديلآيت كريب
( قطعة كريب مقرمشة ، فوقهآ شوكولاته ومعها أيس كريم وكريمة )
مآذقتها :060:

وكآن الحسآب 300 وشي لسبعة أشخآص :hrt:...

خلصنآ وجلسنا نتمشى في السوق الين الظهر .. بغينا نتهور ونتغدا ونخربها مرة وحدة ..
بس قالت خآلاتي رجعوني لبيتي ورآي غدا يبي من يشب عليه قبل يجي أبونا
وأشوى إنها خرّبت علينا ولا كان رحنا فيها :hrt:

.
.
الكوفي يقوون له فرع وآحد في الريآض ..
وفرع بجدة أظن ..
بالنسبة للنآس اللي مايحبون الحآلي فيه أشياء مرّة كثيرة مالحة وشكلها لذيذ بس ماجربتها ..
من عيوب الكوفي ، مرة زحمة بالأيام العادية فيناسب أكثر شي الصبح ..
جلسآته مو كثيرة .. مسآحتها معقولة حبتين مطلّة على البحيرة ماقدرت أصورها :060: ..
وعلى خبري مافيه تيك آوي ..
الخدمة تمآم:

يستحق الزيآرة وبقوة

وتصبحون / تمسّون ..
على خير