(( الحلم ياتيني بــزولك واراعيه..)) ابن فطيس

بــسم الله الرحمن الرحيــم..

من اروع قصايد المحيط الهادي ...// مـــحـــمـــد بن فطيس..

قصيده اقل ما اقوله عنها مجنونه ومو طبيعيه...وخاصه التشبيهات والتحديات اللي فيها


ع العموم اترككم مع القصيده



***********

ماهو بـكفو الوقت حبك يمحّيه
ياللي تخاف صروف الايام تمحاه


ارتاح دام ان المواصل يقويه
انت انت .. وانا انا وقلبي هو إياه


حتى ولو بتغيب ذكراك تكفيه
ياواحدٍ تكفي عن الناس ذكراه


حُبك على رملة خفوقي مواطيه ~.~
ورياح عذلي عَنك ماتمسح خطاه


واللي يعذل القلب عن درب غاليه
( آلله بمآ يبلا المواليف يبلاه )




اخفيه يابلفيت والحال يبديه
ادناة واحد ينظر الحال يقراه


اخفيه فيه ومعتنيٍ به وحاميه
عن كل عينٍ ودها تنزل حماه


قلبٍ يحبك والهوى الذرب ماليِه
كانك مكذبني بعينك تحلاه


شرط ان تشوفك فيه منت بحواليه
ويمكن تشوف ديار واماكن رعاه


وتشوف به تمثال والوقت هاريه
وبتشوف زرعٍ ميتٍ واقفٍ ماه


وبتشوف جرحٍ فيه سكين راعيه
راح ونسى السكين والجرح ينخاه


وبتشوف حصنٍ عجّ الاقدار سافيّه
وبتشوف باقي بيت راعيه خلاه


لاتنزعج هذا خفوقي وباقيه
ولاتضايق من تصّدع زواياه


قَد زلزله فرقا وهزة عراويه
والله ستر والحظ عانه وعافاه..


كانه صلح لك واعجبك زيد تبينه
ابنه وجهزّ للمقابيل مبناه


ابغيك بس من المفارق تداريه
وازهل من ايداري شعورك ويدراه


وحلل وحرّم فيه . ياأبرك بلاويه
وحله وراع ارضاي/ ورضاك/ وارضاه


جعلك بعد بعض الوجيه .. امحق وجيه
ناسٍ مراتعها الرفيق بتقفاه


انواع : واخطر نوع مانيب ناسيه
نوعٍ على تفريق الاثنين مسعاه


تلقاه دوم .. وكل يومٍ تلاقيه
واذا بغيت الصدق ماعاد تلقآهـ


وإلا انت .. ردك كُل مادعيك لبيه
انشهدٍ منتوا بفي عيني اشباه


منت بـ / مع العالم . ولا تقولي ليه
انت ادرى مني وفي جوابي وفحواه


كذيه ومن الله يازين... وإليه
واغلى طروش القلب ودواه من داه


الحلم ياتيني بزولك واراعيه :$
وفي كل حلم اقوم قبل اتحفاه


واعشق سميك في البزارين وادعيه
واقبل خطاه الا اخطى واتلقاه


واسمك يروعني اذا مرّ طاريه
واحب ملقوفٍ يسولف وطراه


وامرّ بيتك من بعيدٍ ولا اجيه
وانا لو انه في يدي ماتعداه

حتى تواير موتري تلتفت فيه
تبغي تلفّ ويستحي العقل والجاه

وصلك يخيط الصدر والبعد يفريه
ويابري حالي كان صديت برياه


ويلي على ادري حبنا ويش تاليه..؟؟
وويلي على ادري وش ورى الغيب ويلاه


عشان اشوف اذا محبتك ترفيه
والله لاقفي عنك ..... استغفر الله


**********

وهذا رابط يوتيوب للاستماع

https://www.youtube.com/watch?v=KZf8tTw3vBo


[color=darkred] اعذب التحايا[/color]

امووواج انتي الاروع


يعافيك ربي


عســــآك ع القوهــ

يصللللللللللللللمووووووووو


على


المووووووضوع......












[b][i]

يسلممممممممممممممممك

يعطيك العافيه
‏<‏< هذا المستخدم اعجبته القصيده
يسلمو شء شء